Məxfilik siyasəti

Lucary kart nömrəsini, son istifadə tarixini və CVV kodunu heç bir mərhələdə toplamır, görmür və saxlamır. Ödəniş düyməsinə basdıqda bankın 3-D Secure səhifəsinə keçirsiniz və kart məlumatını orada — birbaşa banka — daxil edirsiniz. Sayta yalnız ödənişin uğurlu olub-olmadığı barədə cavab qayıdır.

Yəni saytın verilənlər bazasında kart məlumatı yoxdur; loglarda da yazılmır.

• Ad, soyad və telefon nömrəsi — sifarişi təsdiqləmək, kuryerlə əlaqələndirmək və masterklass bronunu qeyd etmək üçün.
• Çatdırılma ünvanı — yalnız sifarişi göndərmək üçün.
• Email (verilibsə) — sifariş və hədiyyə kartı barədə məlumat üçün.
• Sifariş və bron tarixçəsi — profilinizdə göstərmək və mühasibat üçün.
• Texniki loglar — saytın nasazlığını tapmaq üçün sorğu vaxtı və xəta mətni. Bunlar şəxsi profil qurmaq üçün istifadə edilmir.

Toplanan məlumat yalnız sifarişin yerinə yetirilməsi, bronun idarə olunması və müştəri dəstəyi üçün işlənir. Reklam məqsədilə üçüncü tərəflərə satılmır və verilmir.

• Kuryer xidməti (Wolt Drive) — çatdırılma üçün ad, telefon və ünvan.
• Bank / ödəniş provayderi — ödənişin aparılması üçün sifariş məbləği və nömrəsi. Kart məlumatı onsuz da birbaşa bankdadır.
• Hostinq və verilənlər bazası provayderləri — saytın və bazanın işləməsi üçün texniki xidmət qismində.
• Qanunla tələb olunduqda səlahiyyətli dövlət orqanlarına.

Sifariş və bron məlumatları mühasibat tələbi üçün 5 il saxlanılır. Hesabınızı silmək istəsəniz — salam@lucary.az ünvanına yazın; sifariş tarixçəsi anonimləşdirilir, şəxsi əlaqə məlumatları silinir.

Sayt işləmək üçün zəruri kukilərdən (səbətin yadda qalması və girişin saxlanması) və ölçmə kukilərindən istifadə edir: Google Analytics saytın necə istifadə edildiyini — hansı səhifələrə baxıldığını, ziyarətçinin hansı kanaldan gəldiyini — anonim statistika kimi göstərir. Ölçməyə adınız, telefonunuz, e-poçtunuz və kart məlumatınız ötürülmür. Ölçmə kukilərini brauzerinizin ayarlarından silə və ya bloklaya bilərsiniz — sayt bundan sonra da işləyir.

Sizinlə bağlı hansı məlumatın saxlandığını öyrənmək, səhvi düzəltdirmək və silinməsini tələb etmək hüququnuz var. Müraciət: salam@lucary.az və ya +994 10 316 62 16. Cavab 10 iş günü ərzində verilir.

Lucary · Şeyx Şamil küç. 17, Səbail r., Bakı · salam@lucary.az · +994 10 316 62 16. Ödəniş və qaytarma qaydaları ayrıca səhifədədir.